# ما بنصحكم !!

مرحبا يا بنات ! اليوم رح أبدأ سلسلة جديدة علبلوق اسمها #ما بنصحكم !! ححكي فيها عن منتجات ما بنصحكم تشتروها

أول منتج ححكي عنو موجود بالصورة هو منتج من شركة غارنييه المنتج بحتوي عشي شبه الدائرة لما توزعيه تحت عينك بدور و بطلع السائل أو المحلول اللي لازم يخفف الإنتفاخ تحت العيون و بخفف السواد .. هلأ صراحة أنا حبيتو بس أول اسبوع اشتريتو لأنه كان بارد كتير و كان بعطيني زي ماساج بس بعدين صرت أحس انه زي كأني بوزع مي عادية تحت عيني كمان لاحظت أنه الدائرة الي بتوزع المحلول مش مناسبة لمنطقة تحت العين اللي بتتصف بالرقة و بتحتاج منتجات تريحها و ما تتعبها حتى انه دائما بحكولنا لما نوزع أي منتج تجميلي أو كريم تحت العين نوزعه بخفة وما نشد .. أكثر شي أزعجني أنه ما لاحظت أي فرق بالسواد أو الإنتفاخ

كمان سألت صديقاتي اللي جربوا و حكولي نفس اللي قلتوا فوق . هلق أكيد في ناس حبوا و يمكن أنا ما لاحظت الفرق لأنه بطيء

العلبة شكلها كتير حلو و هاد اللي حفزني أجربها و السعر كان ممتاز بالنسبة للمواصفات المكتوبة ممكن كان 30-40 درهم .. بس للأسف المواصفات المكتوبة ما توفرت بالمنتج .. أعتقد أنه كلنا بنعرف شركة غارنييه و بنعرف منتجاتها المميزة بس هاد المنتج ما كان بناسب شركة غارننيه المميزة بالنسبة الي .. لو أجرو تعديلات علمنتج و طلعو شي جد   بعمل الشغل اللي كان مفروض هاد المنتج يعمله كان حيتلقا دعم كبيرر

شكرا كتير للي قرأ هاي التدوينة لليوم و بتمنى تكون أعجبتكم...لا تنسو تتابعوني على 

Instagram : throughdanaseyesblog

Snapchat: itsdanassnap