خمسة أساسيات يجب أن تتواجد في خزانة كل بنت ...

أكيد كل بنت في بخزانتها تشكيلة كبيرة من الملابس .. بس إلا ما يجي أوقات بتحتاري و ما بتعرفي شو تلبسي !! هدول ال5 أساسيات إذا تواجدت بخزانتك فيكي تلبسيها بطرق كتير 

(1

مين ما بحتاج بنطلون جينز بنلبس عكل مكان بتروحيلو ؟

(2

ثاني شي البلوزة البيضاء .. سواء كانت بلوزة بيضة كمها طويل - ربع - قصير في الها كتير طرق لتلبسيها !! مثلن ليوم عادي فيكي تلبسيها مع بنطلون جينز أما لو بدك المظهر يكون أرتب و أشيك فيكي تلبسي مع بنطلون من تحت بكون واسع و مع كعب عالي أو فيكي كمان تلبسيلو بنطلون عليه نقشة معينة !! أهم شي يكون تركيزك على البنطلون و الحذاء و الحقيبة

(3

ثالثا عنا الحذاء (الرياضي) الأبيض!! هاد اشي أساسي بالنسبة الي و صار بديل للبلرينا اللي طلعت موضتها قبل كم سنة ... الصور بتبين طريقة اللبس .. طبعا ما لازم انسى انه هاي الأنواع من الأحذية بتريحني طول الطلعة 

(4

بنطلون أسود سواء كان واسع أو ضيق !! ليش ؟! لأنو مين ما بتطلع عحالها بالجينز أحيانا و ما بتحس أنها نصحانة شوي ؟ هممم هون الحل هوا البنطلون الأسود 

(5

 هاد النوع من الشنط سهل الحمل وبتناسق مع أغلب اللبسcrossbody bag خامس شي هوا الحقيبة السوداء المتوسطة 

............................................................................................................

حبيت كتير أنزل هاي التدوينة اليوم لأنه حسيت أن هدول القطع لازم كل بنت تكون عندها و إذا كانت عندها  فلازم تحاول تعرف كيف تنسقهم بطريقة حلوة لحتى تطلع بأحلى طلة أنيقة 

طبعا لا تنسو تتابعوني على 

snapchat: itsdanassnap

Instagram: throughdanaseyesblog